VOV4.Jarai - Mơguah lơ 24/2, amăng Jơnum Khul apăn bruă Ping gah ƀôn prong Hà Nội, pơčrông sa kơ akŏ bruă klah čun 10 thun ngă tui tơlơi pơtrun mrô 11 mơng Ding jum kơđi čar kơ hơdră bruă, bruă jao amăng pơđĭ kyar plơi prong jưh jom amăng rơwang thun 2011-2020 hăng lăi pơthâo pel ĕp, sem lăng akŏ bruă hrŏm pơjing plơi prong jưh jom hơmâo tŭ yap hăng kơsem min pơplih pơkra abih bang akŏ bruă hrŏm amăng pơjing plơi prong jưh jom Hà Nội truh thun 2030, anăp nao thun 2050, pơlir hăng hơdră bruă pơđĭ kyar ƀôn prong Hà Nội, lu tơlơi pơgôp hiăp rơkâo akŏ bruă pơđĭ kyar plơi prong jưh jom kiăng đing nao bruă pơtrut pơđĭ kyar bơwih brơi tuai čuă ngui. Ƀing khua mua ăt brơi thâo akŏ bruă plơi pla pơkra pơjing gơnam, akŏ bruă hơdôm anih tuai čuă ngui kiăng kơ pơđah tong ten pơlir hơbit kiăng pơhưč tuai čuă ngui; kiăng đing nao anih čuă ngui ter ia krông Hồng, ba glăi tơlơi yôm phun amăng pơđĭ kyar ƀôn prong.

Siu Đoan: Pơblang