Lăp đing nao lĕ, Kơnuk kơna akŏ pơjing 26 grup hyu mă bruă yua ƀing ding kơna amăng kơnuk kơna git gai nao djru pơsir tơlơi dŏ gun amăng djop tơring čar, ƀôn prong: Amăng 6 blan akŏ thun anai, kơnuk kơna hăng djop ding jum, anom bruă ƀơi dêh čar pơphun tañ, khut khăt hăng ngă 1 pok hră pơtrun mơ̆ng kơnuk kơna, 2 pok hră yua khua dêh čar pơtrun, 5 pok hră ding jum git gai hăng 4 pok hră pơtô brơi ngă tui hăng lu hră pơtrun yôm pơkŏn. Kiăng pơtrut hmar brơi yua prăk čan tuh pơ alin kơ bruă čar tui hơdră dêh čar pơkă, Khua dêh čar pơtrun hiăp kơ djop ding jum, anom bruă, tơring čar tañ ngă hrŏm Ding jum prăk kăk hăng hơdôm ding jum bơ djơ̆ hrŏm amăng bruă mă pok pơhai kơčăo bruă pioh lăi pơthâo rơnoh prăk či mă yua thun 2024 hăng 2025.

Jơnum min djuai ania git gai tañ, ngă hrŏm djop ding jum, anom bruă akŏ pơjing khul jŭ yap glăi abih bang Hơdră bruă mơ̆ng dêh čar pơkă kơ bruă pơtrut pơđĭ kyar bơwih ƀong huă mơnuih mơnam kual djuai ƀiă hăng kual čư̆ siăng črăn I, čih pơkra hră pơar rơkâo pơblih glăi boh yôm phun amăng hră pơtrut hơmâo pơsit Hơdră bruă dêh čar pơkă kiăng djơ̆ hăng tơlơi phiăn, akŏ klân jao bruă, hơdră ngă hră pơar tui tơlơi phiăn pơkă kơ bruă tuh pơ alin brơi bruă čar.