Bơni biă kơ tơlơi prăp rơmet klă mơng Anom pơtô bruă Ping gah hăng Pơtô ba mơnuih ƀôn sang lơ̆m čih pơkra Akŏ bruă hlom bom, abih bang, hơmâo lu tơlơi pơplih amăng tơlơi pơmin, tơlơi thâo hluh, hăng hơdră pơsir, Khua git gai Ping gah, Khua mir sir ơi Tô Lâm lăi rơđah, bruă čih pơkra hơdră bruă pơtô kjăp tơlơi pơmin mơ̆ng Ping gah amăng rơnuk mă yua boh thâo mrô jing bruă kiăng biă, laih anun yom sui pơ anăp. Khua git gai Ping gah, Khua mir sir lăi dlăm, Akŏ bruă kiăng pơsit jơlan ngă bruă mơ̆ng anăp truh pơ tlôn lĕ: “Prăp rơmet hlâo - Lăp djơ̆ - Lăi arăng hmư̆ - Tŭ yua”. Mơ̆ng anun, Khua git gai Ping gah, Khua mir sir kiăng, Akŏ bruă kiăng pơthâo rơđah 4 tơlơi git gai prong, amăng anun khŏm gir kiăo tui tơlơi pơmin mơ̆ng Ping gah, laih dong pơplih hloh bruă pơtô tơlơi pơmin pran jua mơ̆ng ping gah. Khut khăt mơtăm hŭi kơ hơmâo tơlơi pơmin phara; pơplih phrâo hŭi kơ ƀu kiăo hmao.

Bruă pơtô kjăp tơlơi pơmin jai hrơi pơplih, kjăp tui gah kơđi čar, tơlơi pơmin, tơlơi pơkă hăng tơlơi gơñăm ngă. Ñu ăt ba pơƀuh mơn 8 khul bruă akŏ phun đah mơ̆ng čih pơkra giong Akŏ bruă. Sui pơ anăp, Khua git gai Ping gah, Khua mir sir ơi Tô Lâm ăt kiăng pơplih bruă pơtô hrăm tơlơi pơtô djơ̆ gah kơđi čar, hrăm tơlơi pơtrun sit nik hloh. Phun ñu lĕ ngă bruă hrăm tơlơi pơtô djơ̆, hrăm tơlơi pơtrun lăp djơ̆ hloh, djơ̆ hăng bruă mă; hrăm kiăng thâo hluh dlăm, hla tui djơ̆, mă bruă ha amăng plĕ, ngă truh giong./