Thượng tướng Nguyễn Văn Nghĩa- Kơ-iăng Khua pơphô bruă Khul ling tơhan dêh čar Việt Nam nao pơhmư̆ mông jơnum. Amăng 5 thun rơgao, Binh đoàn 15 hmâo gir run pok pơhai ba glăi bôh tơhnal bruă bơkơtưn truh kih. Kơnang kơ anun, nua gơnam ngă rai mơ̆ng Binh đoàn hmâo laih rơbêh kơ 13.100 klai prăk, kơmlai rơbêh kơ 800 klai prăk, đĭ 183% bơhmu hăng rơwang hlâo.

Amăng anun, hmâo lu hơdră bơkơtưn pơčeh phrâo hăng bôh tơhnal ƀuh rơđah kah hăng: “Pơčruh hrŏm prăk bơwih ƀong”, “Đah kơmơi djru tơdruă pơđĭ kyar bơwih ƀong sang anô̆”, "Đang phun pla lông lăng”, “Pơdai plah nao rai”, hăng “Đang añăm gum hrŏm” dưi pok pơhai ba glăi bôh tơhnal sit nik. Mơ̆ng bôh tơhnal bruă bơkơtưn truh kih, Binh đoàn 15 hmâo pơhlôm laih bruă ngă đang hmua sĭ mơdrô nao hrŏm hăng pơhlôm hơđong tơlơi hơdip mơda mơnuih mơnam, djru djă pioh kơjăp rơnuk rơnua pơgang lŏn ia ƀơi hơdôm anih anom hmâo puih kơđông pơdŏng./.