Anăm sư̆ rơbư̆ ôh bruă pơhlom rơnuk rơnua amăng hrơi plĕ hră ruah khua ƀơi Dak Lăk
Thứ sáu, 14:26, 09/01/2026
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Tom brơi (8/1), Khul pel ĕp, krăp lăng mơ̆ng Grup pơhlom rơnuk rơnua hơđong plơi pla - Khul ruah khua dêh čar hơmâo ngă bruă hăng Anom bruă tơhan rŭi hyu hơdeč Cảnh sát cơ động, Kông an tơring čar Dak Lăk hăng Grup tơhan 303, Trung đoàn 584, Anom bruă khua git gai tơhan tơring čar kơ bruă prăp rơmet blah ngă, pơhlom rơnuk rơnua, hơđong kjăp bơwih brơi bruă ruah khua pơ ala mơnuih ƀôn sang dêh čar tal 16 hăng khua mua pơ ala mơnuih ƀôn sang djŏp gưl rơwang thun 2026-2031.
Ƀơi mông ngă bruă, khua Anom bruă tơhan rŭi hyu hơdeč hăng Grup tơhan 303 brơi thâo, hơdôm anom bruă prăp rơmet hơdră ngă bruă, jao tơhan dŏ gak, kjăp bruă blah ngă tui hăng tơlơi pơtrun mơ̆ng ƀing khua, pơhlom rơnuk rơnua kjăp pơ hơdôm anih plĕ hră, pơsir hmao kru djŏp tơlơi truh tơdah hơmâo.
Trung tướng Trần Đức Thuận, Kơ-iăng khua Jơnum min Pơgang rơnuk rơnua hăng Pơtom hiăp mơ̆ng Ƀirô khua pơ ala mơnuih ƀôn sang dêh čar tŭ yap, lăng yom biă pran jua gơgrong bruă, tơlơi prăp rơmet hlâo hăng ngă bruă khut khăt mơ̆ng hơdôm anom bruă amăng bruă prăp rơmet hăng pok pơhai bruă mă pơhlom rơnuk rơnua hơđong kjăp amăng hrơi ruah khua.
Viết bình luận