Hơdôm mơta gơnam hơmâo sem lăng tui Hơnong pơkă OCOP; laih dong sem lăng sit ƀơi anih pơkra gơnam mơtăm pơhlom brơi djơ̆, tơpă sit, djơ̆ tơlơi phiăn. Bruă čom puang pơƀut kơ anŏ klă, bruă pơkra, hơmâo djŏp hră čih anih pơkra, gru hră tĕp, kơdung anung gơnam hăng tơlơi rơgơi pơjing anăn gơnam hmư̆ hing mơ̆ng rim anom bruă.

Amăng 10 mơta gơnam hơmâo pơsit 4 asar pơtŭ, hơmâo: 6 mơta gơnam kơphê hna uă tơpung hăng kơphê djă hnong ƀu hơmâo thim mơnŏng hơget ôh; 1 mơta gơnam Ƀañ bột lọc Đạt Lý; 2 mơta gơnam Bún khô Chi Lăng hăng Phở khô Chi Lăng laih anun sa gơnam Boh kruăi hrĕ kơđuh mơtah. Truh ră anai tơring čar Dak Lăk hơmâo tŭ yap 764 mơta gơnam OCOP, amăng anun hơmâo 2 mơta gơnam mă 5 asar pơtŭ, 60 mơta gơnam 4 asar pơtŭ. Lu mơta gơnam pla lu kah hăng kơphê, kơsu, mak kak, boh troh hmư̆ hing glăk hơmâo lu anih sĭ laih anun pơ anăp anai ba sĭ pơ čar rơngiao.