Ƀơi mông jơnum, pơ ala kơ khua mua amăng ping gah, kơnuk kơna dêh čar, Khua dêh čar ơi Phạm Minh Chính hơmâo jao Miđai Mă bruă hnơ̆ng mrô sa kơ khua mua, mơnuih mă bruă Phun kông ty Tơčoh sum ao mrô 10, bơni kơ khul mă bruă amăng sang bruă anai hơmâo ba glăi boh tơhnal tŭ yua yom, lăp pơ-ư ang kơ djop hnơr mơnuih mă bruă  jing “Mơnuih kơhnăk tơčoh sum ao mrô 10” gir run na nao amăng 80 thun laih rơgao.

Khua dêh čar đăo sit hăng gru grua mơ̆ng đưm dua wơ̆t hơmâo tŭ mă tơlơi apah bơni Khin hơtai, Phun kông ty Tơčoh sum ao mrô 10 ăt “Gum pơgôp-Mă bruă tơpă-Pơblih phrâo-Mut phung-Pơčeh phrâo-Pơđĭ kyar hơđong kơjăp”, ăt jing pô pơtruh brơi “hrĕ mrai mah” bruă mơñam mrai, tơčoh sum ao pơđĭ kyar kơtang, hrưn đĭ pơđĭ kyar kơtang hloh, djru hrŏm prong prin amăng tơlơi či kiăng man pơdong lŏn ia hiam rô̆, kơdrưh ang, thâo rơgơi, mơak hlak.