Mông jơnum tŭ ư pơƀuh 145 čô khua tơbiă anăn ruah ngă khua pơ ala mơnuih ƀôn sang dêh čar tal 16. Pơhiăp pơtum glăi, Khua git gai pơ ala mơnuih ƀôn sang dêh čar ơi Trần Thanh Mẫn jao kơ Khua mua Jơnum min Bruă ruah khua pơ ala ngă hrŏm hăng hơdôm anom bruă sem lăng tong ten hră pơ-ar, čih pơkra giong hră pơ-ar lăi pơthâo mơ̆ng Jơnum min apăn bruă phun pơ ala mơnuih ƀôn sang dêh čar kơ khua mua hơmâo tơbiă anăn ba ruah ngă khua pơ ala mơnuih ƀôn sang dêh čar gơnong dlông laih anun lăi pơthâo glăi hăng hơdôm anom bruă, mơnuih mơnam či mă tơlơi pơgôp hiăp mơ̆ng ƀing plĕ hră pơ anih dŏ mă bruă hăng pok pơhai ngă hră pơ-ar tơbiă anăn ruah khua pơ ala mơnuih ƀôn sang dêh čar tal 16 pơhlom djơ̆ tơlơi phiăn; čih pơkra giong Hră pơsit ruah Khua djru bruă Kơ-iăng khua git gai pơ ala mơnuih ƀôn sang dêh čar.

Khua git gai pơ ala mơnuih ƀôn sang dêh čar git gai Anom bruă khua pơ ala mơnuih ƀôn sang dêh čar ngă hrŏm hăng Jơnum min bruă ruah khua pơ ala pơphun Jơnum mă tơlơi pơgôp hiăp mơ̆ng mơnuih plĕ hră pơ anih dŏ mă bruă hăng ƀing khua hơmâo tơbiă anăn ba ruah glăk dŏ mă bruă pơ djŏp anom bruă Khua pơ ala mơnuih ƀôn sang dêh čar.