Hră pơtrun 59 mơ̆ng Ding jum kơđi čar lĕ hră pơar či ngă tui yôm pioh kơ khua mua pơ ala mơnuih ƀôn sang dêh čar, kơnuk kơna hăng djop ding jum anom bruă pơdjơ̆ nao man pơdong laih anun ngă hră pơtrun phrâo kiăng pơphun ngă tui hăng mă yua anŏ gêh găl mơ̆ng ƀôn prong Cần Thơ truh thun 2030 man pơdong kiăng jing ƀôn prong hiam mơak, thâo rơgơi, djă pioh hnong hnăi gru grua hiam djuai ania amăng kual lŏn dăo mơnai ia krông Cửu Long.

Tơhnal pơkă, bruă mă đing nao hăng grup ĕp lăng tal anai lĕ pơtong glăi boh tŭ yua hơmâo ngă tui hơdôm tơlơi pơčrâo ba, bruă pơkă hlâo, hơdră pơsir; lăi pơthâo anŏ kơƀah, tơlơi tơdu hăng phun ñu hơmâo tơdơi kơ 2 thun pok pơhai Hră pơtrun. Tui hăng ơi Phạm Văn Hiểu, Kơ-iăng Khua git gai ping gah ƀôn prong Cần Thơ, anai lĕ mông gêh găl pioh kơ ƀôn prong sem glăi, pơtong rơđah bruă ngă amăng thun blan rơgao, hơgĕt bruă dưi ngă hăng hơgĕt bruă aka ƀu dưi ngă, djru kơ ƀôn prong djă pioh pơđĭ tui hơdôm bruă dưi ngă laih, pơsir tañ hơdôm anŏ kơƀah, tơnap tap, pơtrut pơđĭ kyar ƀôn prong.