Ngă lơphet lăi pơthâo hơdôm bôh anom bơwih ƀong Kơjăp phik ƀơi dêh čar Việt Nam thun 2024 hăng anăn ñu “Anom bơwih ƀong hrưn đĭ amăng rơnuk mơtah hơdjă” dưi hmâo Khul mơnuih bơwih ƀong yua kơ tơlơi pơđĭ kyar kơjăp phik Việt Nam gah Khul pơlir hơbit sĭ mơdrô hăng măi mok Việt Nam (VCCI) pơphun mơmot lơ 29/11 ƀơi Hà Nội. Amăng mông jơnum anom bơwih ƀong kơjăp phik ƀuh rơđah wot bruă ngă rai gơnam hăng sĭ mơdrô – bơwih brơi kơ tuai dưi pơpŭ bơni.

Pơhiăp amăng mông ngă lơphet lăi pơthâo, Khua VCCI, Khua Grŭp črâo ba jơlan hơdră anom bơwih ƀong kơjăp phik ƀơi Việt Nam (CSI) Phạm Tấn Công brơi thâo, bôh tơhnal pel ĕp mơ̆ng VCCI hăng hơdôm bôh anom bơwih ƀong ba glăi bôh tơhnal kơjăp mơ̆ng Jơlan hơdră CSI amăng giăm truh 10 thun rơgao hmâo pơdah laih, hơdôm bôh anom bơwih ƀong gir ngă tui hơdră bơwih ƀong sĭ mơdrô, kơjăp phik, juăt hăng hơdôm tơlơi lông hăng thâo kơjăp hơdôm tơhnal glăk dưi pok tơbiă mơ̆ng pơplih mơtah, hơdai nao mrô mơ̆ng anom bơwih ƀong. Thun anai jơlan hơdră ngă pơhưč giăm truh 500 anom bơwih ƀong amăng đơ đam dêh čar, mă bruă ƀơi abih bang hơdôm bruă mă, gơnong bruă. Amăng mông ngă lơphet lăi pơthâo, Grŭp pơphun Jơlan hơdră bơni hăng pơpŭ 100 bôh anom bơwih ƀong kơjăp phik hloh wot bruă ngă rai gơnam hăng sĭ mơdrô – bơwih brơi kơ tuai. Amăng anun, Top 10 bôh anom bơwih ƀong kơjăp phik čơkă mă mrô 50% mrô anom bơwih ƀong amăng dêh čar hăng 50% mrô anom bơwih ƀong hmâo prăk tuh pơplai mơ̆ng dêh čar tač rơngiao./.