VOV4.Jarai - Mơguah lơ 12/1, ƀơi Sang bruă Khua mir sir, Anom bruă Khua mir sir hơmâo pơphun Jơnum klah čun bruă mă thun 2021 hăng pok pơhai bruă mă thun 2022. Pơhiăp ƀơi mông jơnum, Khua mir sir ơi Nguyễn Xuân Phúc bơni biă kơ Anom bruă khua mir sir thun 2021 hơmâo pran jua ngă bruă phrâo, gir kơtir amăng bruă pơphô, pơthâo bruă. Pơtrut tui gru grua anun, thun 2022, Anom bruă khua mir sir kiăng hyu hơduah ĕp bruă mă mă pô, kiăo tui tơlơi hơmâo amăng lŏn ia ta đah mơng ngă klă hloh bruă pơphô, pơthâo kơ Khua mir sir hăng Kơ-iăng khua mir sir; pơtrut tui dong gru grua thâo gum pơgôp, ngă tŭ yua hloh bruă pơphô, lăi pơthâo, pơgôp brơi tơlơi truh kih mơng lŏn ia.

Khua mir sir ăt lăi mơn, ƀing khua Anom bruă Khua mir sir kiăng kiăo tui tơlơi pơmin pran jua, bơkơjăp bruă, kơsem min, pơđĭ tui tơlơi rơgơi đah mơng dưi ngă truh kih tơlơi gum pơgôp, pơphô bruă mơ̆ Ping gah, Kơnuk kơna jao.

Siu H’Mai: Pơblang