VOV4.Jarai - Mơguah lơ 7/2, hlâo kơ pơphun hrơi mă bruă blung a tơdơi kơ tal pơdơi Tết tui phiăn juăt Nhâm Dần, Kơ-iăng Khua dêh čar ta, ơi Phạm Bình Minh hrom hăng ƀing Kơ-iăng Khua dêh čar: Lê Minh Khái, Vũ Đức Đam, Lê Văn Thành hmâo bưp laih mơnuih apăn bruă, mơnuih mă bruă amăng Anom bruă Kơnuk kơna. Pơhiăp amăng mông bưp, Ƀrô djơ̆ akô̆ bơyan bơnga phrâo, pơ ala kơ khua git gai Kơnuk kơna, Kơ-iăng Khua dêh čar ta, ơi Phạm Bình Minh bơni hơdôm bôh tơhnal truh kih, gum hơgôp mơng Anom bruă Kơnuk kơna hăng hơdôm bruă mă mơng Kơnuk kơna, Khua dêh čar; hơ-ư̆č hmưi abih bang mơnuih apăn bruă, mơnuih mă bruă čar, mơnuih mă bruă  thun phrâo hmâo lu tơlơi suaih pral, yâu mơ-ak hăng hmâo dong lu bôh tơhnal amăng djop bruă mă. Thun 2022 lĕ thun tal 2 pok pơhai ngă tui kơčăo bruă pơđĭ kyar bơwih ƀong – mơnuih mơnam 2021-2025 hăng Jơlan hơdră hơkrŭ glăi hăng pơđĭ kyar bơwih ƀong anun mrô bruă lu, yua anun Kơ-iăng Khua dêh čar čang rơmang hơdôm anom bruă hăng rim mơnuih apăn bruă, mơnuih mă bruă mơng Anom bruă Kơnuk kơna pơphun mă bruă tơpă dong mơng hrơi akô̆ thun phrâo mơtăm./.

Siu H’ Prăk: Pơblang