VOV4.Jarai - Mơguah lơ 11/1, ƀơi Hà Nội, Anom bruă pơtom hiăp Ping gah dêh čar pơphun jơnum klah čun bruă mă thun 2021 hăng pok pơhai hơdră ngă bruă amăng thun 2022. Amăng thun rơgao, mah bưp lu tơlơi tơnap amăng bruă pơtom hiăp, samơ̆ Anom bruă pơtom hiăp hơmâo ngă klă djŏp bruă hơmâo jao. Thun 2022, Anom bruă pơtom hiăp Ping gah dêh čar pơsit bruă phun lĕ pok pơhai ngă tui tơlơi pơčrâo trun 32 rơwang thun 2021-2025 hơmâo Khua mua ping gah pơsit brơi; tơlơi pơčrâo trun mơng Khua mua apăn bruă Ping gah kơ bruă pơtom hiăp mơnuih ƀon sang đah mơng pơđĭ tui anŏ klă mơng dua gong tơmeh phun anun lĕ pơtom hiăp Ping gah hăng pơtom hiăp mơnuih ƀon sang. Anom bruă amra pơtrut hloh dong hơdră ngă bruă yôm phun pơphun ngă jơlan hơdră pơtom hiăp mơng ƀing khua mua pơprong mơng Ping gah amăng bruă pơphô brơi, pơsit brơi hơdôm bruă pơtom hiăp amra hơmâo pioh amăng hơdră bruă pơtom hiăp, gơñăm nao tơlơi yôm phun.

Siu H’Mai: Pơblang