Hơmâo giăm 500 čô mơnuih ƀơi 5 boh să hơmâo: Đăk Nên, Đăk Ring, Măng Bút, Đăk Tăng, Măng Cành tơring glông Kon Plông nao hrăm hrŏm. Mơng tal pơtô hrăm anai, lu hloh lĕ neh met wa djuai ania Sêdang hơmâo arăng ƀơk brơi hră pơ-ar črâo ba amăng bruă pơhlôm hlâo lơm lŏn pơpư̆. Ƀu djơ̆ kơnong kiăo tui hrăm djop, mơnuih ƀôn sang amăng hơdôm boh să juăt ƀuh lŏn pơpư̆ amăng tơring glông Kon Plông, tơring čar Kon Tum ăt hơmâo tơlơi tơña kiăng ƀing apăn bruă lăi glăi.

Nai prin tha Bùi Thị Nhung, sa amăng rơma mơnuih apăn bruă mơng anom bruă wai lăng rŏng lŏn brơi thâo, ăt mơng tal pơbưp hăng mơnuih ƀôn sang 5 boh să kual juăt ƀuh lŏn pơpŭ, anom bruă wai lăng rŏng lŏn amra tŏ tui kơsem min ba tơbiă hơdôm hơdră lăp djơ̆ hăng tơlơi sit nik, kiăng neh met wa dưi pơhlôm lŏn lơm ƀuh lŏn pơpư̆.