VOV4.Jarai - Mơguah lơ 30/5, Grup hyu hơduah ĕp mrô 4 mơng Anom git gai Ping gah kơ bruă pơgang pơgăn hưp ham ƀong kông ngăn, tơlơi ƀu klă hơmâo mông ngă bruă hăng Khua mua apăn bruă git gai Ping gah tơring čar Gia Lai. Lăi glăi hăng Grup hyu hơduah ĕp, ơi Rahlan Chung - Kơ-iăng khua git gai Ping gah, Khua anom djru bruă wai lăng Ping gah tơring čar Gia Lai brơi thâo, dong mơng lơ 16/5/2013, Lơ̆m Anom bruă djru wai lăng Ping gah Gia Lai hơmâo akŏ pơdong, bruă pơgang pơgăn tơlơi hưp ham, tơlơi soh sat ƀơi tơring čar amăng ƀrư̆ hơmâo ngă kơtang tui, ba glăi lu tơlơi klă.

Mơng anun, bơtơhmal 2 čô mơnuih ping gah, pơhrui glăi rơbêh 1 klai 300 klăk prăk ngă soh, pơmut amăng mrô prăk kơnuk kơna; pơphun krăp lăng rơbêh 570 kơčăo bruă hăng hơdôm anom bruă ping gah laih anun rơbêh 1500 čô mơnuih ping gah; sem lăng lơ̆m hơmâo tơhnal ngă soh hăng 3 čô ping gah. Ƀơi mông ngă bruă, Grup hyu hơduah ĕp kơđi tơlơi mrô 4 Anom git gai Ping gah kơ bruă pơgang pơgăn tơlơi hưp ham, tơlơi soh sat hơmâo lăi pơthâo tơlơi pơsit hơduah ĕp kơđi tơlơi mơ̆ tơring čar hơmâo lăi pơthâo. Him lăng hrơi hơduah ĕp kơđi pơphun mơng lơ 6/6 truh lơ 9/6/2022.

Siu H’Mai: Pơblang