Tơlơi pơhing mơ̆ng Gơnong bruă čar tơring čar Lâm Đồng brơi ƀuh, truh lơ 6/1, gơnong bruă hơmâo hmư̆ tơlơi lăi pơthâo glăi prăk blan, prăk brơi hrơi Tê̆t mơ̆ng 229 anom mơdrô, sang bruă glăk hơmâo mơnuih mă bruă ƀơi tơring čar, hăng mrô rơbêh 19.800 čô mơnuih mă bruă. Lăng nao abih bang, hơdôm anom mơdrô hơmâo ngă tui tơlơi phiăn laih kơ prăk blan, prăk apah mơnuih mă bruă.

Hăng prăk brơi ƀong Tê̆t Bính Ngọ 2026, ră anai hơmâo 116 amăng 229 anom mơdrô lăi pơthâo hơmâo prăk ƀong tê̆t kơ mơnuih mă bruă. Amăng anun, anom mơdrô mơnuih ƀôn sang ngă pô ngă hmư̆ hing biă mă, lơ̆m hơmâo sa anom mơdrô brơi prăk pơdơi Tê̆t truh kơ 180 klăk/sa čô, rơnoh lu hloh amăng tơring čar. Khă hnun ăt hơmâo mơn anom mơdrô brơi prăk ƀong tê̆t aset biă mă, kơnong kơ 200.000 prăk/ha čô.