Grŭp hyu mă bruă hmâo pơphun tŭ mă, pơpha hră pơ-ar, hră lăi pơthâo bơdjơ̆ nao. Hơdôm ƀirô gah bruă pel ĕp dưi rơkâo pơblang, ngă rơđah rim bôh yôm hăng lu kơđi tơlơi tơnap hmâo jơlan gah pơsir rơđah rơđông. Lăp đing nao, hăng tơlơi gum hrŏm klă kơplah Grŭp hyu mă bruă mơ̆ng tơring čar Gia Lai hăng Anom pel ĕp kơđi tơlơi Gong gai dêh čar, sa kơđi tơlơi dưi pơsir pơđut.

Tơdơi kơ lăi pơhing, pơsur, mơnuih ƀom kiơng hmâo tŭ ư hăng jơlan gah pơsir kơđi, hrŏm hăng anun pơkôl ƀu ƀom kiơng dong tah... Amăng mông mă bruă, Kơ-iăng Khua anom pel ĕp kơđi tơlơi Gong gai dêh čar ta Lê Tiến Đạt rơkâo tơring čar Gia Lai črâo ba khut khăt hloh dong hơdôm ƀirô bơdjơ̆ nao pioh pel ĕp glăi, thâo rơđah hơdôm kơđi tơlơi, plai ƀiă đut hlah tơlơi ƀom kiơng găn rơgao gưl yŭ, plai ƀiă hmâo hơdôm kơđi tơlơi ngă glêh tơnap phrâo./.