Hiăp bit hăng giăm 350 čô khua mua amăng jơlan hơdră bưp ƀô̆ mơta, pơpŭ bơni ƀing mơnuih čih tơlơi pơhing ba gru amăng tal pioh hơdor glăi 100 thun hrơi akŏ pơjing hră pơhing Việt Nam, kơ-iăng Khua git gai Ping gah tơring čar Kon Tum Nguyễn Đức Tuy brơi thâo, gưl Ping gah, gong gai djop gưl hăng djop anih anom kơđi čar amăng tơring čar glăk pơtrut kơtang ngă tui bruă dưm dăp anih anom hăng pơjing hơbô̆ bruă gong gai 2 gưl.

Hăng hơnong pơkă ba tơring čar pơđĭ kyar mơtah, hơđong kjăp, tañ hăng djop mơta, Khul apăn bruă Ping gah tơring čar lêng kơ lăng anom mă tơlơi pơhing lĕ anom bruă phun amăng pơjing pran đăo gơnang amăng mơnuih mơnam, pơjing anih gru grua, tơlơi pơhing lăp djơ̆, črâo ba mơnuih mơnam; khua mua tơring čar amra đing tơngia hmư̆, pơlăi nao rai, ngă gêh gal hloh kiăng anom bruă mă tơlơi pơhing ngă tui bruă jao mơng ƀing gơñu.