Tui hăng hră lăi pơthâo, 6 blan akŏ thun anai, Anom pơtô bruă ping gah djop gưl hơmâo pơblih phrâo hơdră mă bruă hăng thâo pơčeh phrâo djơ̆ lăp amăng bruă lăi pơthâo hăng Ding jum kơđi čar, Khul khua git gai ping gah, djop gưl anom bruă, pok pơhai bruă mă phun yôm amăng bruă akŏ pơdong ping gah, sơ̆n pran jua pơkơdong glăi tơlơi soh sat hăng pơgăn hưp ham ƀong kông ngăn, djru akŏ pơdong ping gah rơgoh hăng kjăp kơtang. Pơhiăp amăng mông jơnum, Khua anom pơtô bruă ping gah dêh čar ơi Nguyễn Trọng Nghiã lăi pơtong, sa dua bruă phun yôm mơ̆ng anom pơtô bruă ping gah 6 blan rơnuč thun 2023.

Tui hăng anun, ăt pok pơhai ngă tui tŭ yua, pơgang klă boh tŭ yua hơdôm kơčăo bruă pơƀut bruă mă, tơlơi klah čun mơ̆ng Ding jum kơđi čar, khua mua git gai ping gah; ăt pơtrut bruă mă pơtô pơblang, kiăng pơjing pran kơtang amăng bruă mă pơlar tui lu, prong tŭ ư sa pran jua amăng ping gah, mơnuih ƀon sang, ling tơhan, ăt kơtưn gir ngă giong truh kih tơhnal pơtrun, bruă mă pơkă amăng sa rơwang bruă ping gah tal XIII.