VOV4.Jarai-Dŏ glăi ƀiă hrơi đôč truh yơh Tết trung thu jing blan bơrơmi ria, ră anai, anih anom sĭ mơdrô gơnam djă ngui kơ čơđai mơak hrơi blan bơrơmi anai ƀơi Gia Lai lu mơta biă mă, hơdră pơkra, hơbô̆ pơjing phrâo soh…samơ̆ ƀu ƀuh gơnam yua djă ngui pioh kơ čơđai ngui jing gơnam gru grua đưm djuai ania. Tui hăng hyu sem lăng mơ̆ng ƀing čih tơlơi pơhing phrâo ƀơi lu anih sĭ mơdrô gơnam čơđai djă ngui ƀơi jơlan Phan Đình Phùng, Phường Tây Sơn, plơi prong Pleiku hơdôm hrơi hăng anai dik dăk tuai mut tơbiă blơi gơnam.

Lu amĭ ama cơđai muai ruah mă hruh apui kơđen diăn pơkĕ hăng pil blơi kơ ană ba

gơñu djă ngui blan bơrơmi ria (rup bơhmutu)

Gơnam ngui blan bơrơmi ria thun anau lu mơta biă mă, nua đĭ tui ƀiă pơkă hăng thun hlâo truh 10%. Khă tui anun, ƀơi lu sang sĭ mơdrô ƀu ƀuh ôh gơnam djă ngui gru grua đưm. Pô sang sĭ mơdrô Đặng Thị Thùy Dương, brơi thâo, hơdôm mơta gơnam sĭ mơdrô lu arăng blơi hloh lĕ hruh apui kơđen diăn hơmâo pil rơnoh mơ̆ng 50 rơbâo truh 140 rơbâo sa boh. Hơdôm mơta gơnam pơkŏn kah hăng anŏ truă ƀô̆ hăng rup ngă kơsu rơnoh mơ̆ng 20 rơbâo truh 25 rơbâo prăk sa boh; akŏ rup ania čơgrai, rơmung dul rơnoh 150 rơbâo prăk truh 1 klăk prăk tui hluai.

Nay Jek: Pơblang