Ba glăi hăng dor tơlang tơleh 21 čô ling tơhan pơsăn drơi ƀơi dêh čar Kur pơ̆ guai dêh čar tơring čar Gia Lai
Thứ sáu, 06:00, 24/05/2024
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai – Mơguah lơ 23/5, ƀơi Pơsăt ling tơhan pơsăn drơi tơring glông Đức Cơ, tơring čar Gia Lai ngă lơphet ba glăi hăng dor tơlang tơleh 21 čô ling tơhan nao gum djru hăng mơnuih juăt bruă Việt Nam pơsăn drơi găn rơgao hơdôm tal blah ngă ƀơi dêh čar Kur dưi hmâo Grŭp K52 (Ƀirô git gai Khul ling tơhan tơring čar Gia Lai) hyu hơduah ĕp, tum pơƀut amăng bơyan phang khŏt 2023-2024 ƀơi dêh čar Kur.
Amăng tơlơi tơhmit, khua git gai tơring čar Gia Lai, hơdôm grŭp, gơnong bruă, khul, pô pơ ala hơdôm gưl mơnuih ƀôn sang, khul ling tơhan tơring čar Gia Lai, khul ling tơhan dêh čar Kur hmâo čơkă laih tơlang tơleh tơhan pơsăn drơi glăi pơdơi ƀơi pơsat.
Yă Keo Sa Vuoen, Kơ-iăng Khua tơring čar Ratanakiri, Preh Vihear hăng Stung Treng brơi thâo, bơnah gah dêh čar Kur amra gum hrom dong, gum hrŏm klă hăng Grŭp gơgrong bruă hăng Grŭp K52 Việt Nam amăng bruă hyu hơduah ĕp, tum pơƀut tơlang tơleh amăng hơdôm thun pơ̆ anăp, hăng lăng bruă anai kah hăng tơlơi hơdor tơngia gru grua, ngă kơjăp tui tơlơi gum hrŏm giăng mah Kur – Việt Nam./.
Viết bình luận