Anai lĕ ƀing tơhan djai pơsăn drơi jăn hơmâo tơhan Quân khu 2 ĕp ƀuh amăng bơyan phang thun 2022-2023. Nao pơhmư̆ ƀơi mông jơnum hơmâo khua mua tơring čar Kơdư dêh čar Lao, khua pơ ala kơ Anom bruă yôm phara kơnuk kơna Lao, khua pơ ala kơ quân khu 2 hrŏm hăng abih bang mơnuih ƀôn sang tơring čar Oudomxay wơ̆t hăng mơnuih ƀôn sang djuai ania Việt Nam glăk dŏ pơ tơring čar Oudomxay.

Ƀơi mông ngă lơphet, Thiếu tướng ơi Đinh Mạnh Phác, Kơ-iăng khua git gai tơhan quân khu 2 pơdah pran jua bơni biă mă hăng Grup mă bruă yôm phara mơng dêh čar Lao, gong gai hăng mơnuih ƀôn sang 6 boh tơring čar Kơdư dêh čar Lao, hơmâo djru ba kiăng Grup hyu klơi mă tơlang tơhan Quân khu 2 dưi ngă bruă truh kih. Thiếu tướng ơi Đinh Mạnh Phác čang rơmang Grup mă bruă yôm phara hơdôm boh tơring čar Kơdư dêh čar Lao amra ngă hrŏm hloh hyu ĕp, klơi mă tơlang tơhan djai pơsăn drơi Việt Nam djai pơ dêh čar Lao amăng rơnuk blah ngă.