VOV4.Jarai - Lơ (14/2), lu sang hră gưl prong sit nik pok glăi, čơkă ƀing čơđai pơwŏt glăi nao sang hră tơdơi kơ sui hrơi hrăm lăng nao rai mơng ataih pioh pơgang klin Covid-19. Ƀing čơđai sang hră hok mơ-ak biă mă yua kơ dưi nao sang hră, djop sang hră ăt đing nao bruă pơgang klin Covid-19 kiăng pơhlôm brơi tơlơi suaih pral kơ ƀing čơđai, mơnuih apăn bruă, nai pơtô. Pran sư̆ rơbư̆ wŏt bơngŏt lĕ ƀuh ƀơi ƀô̆ mơta ƀing čơđai phrâo mut hrăm thun blung a, anai lĕ tal blung a nao sang hră tơdơi kơ hrơi pơhlôm giong. Kiăng kơ pơhlôm rơnuk rơnua amăng bruă pơgang klin, djop sang hră lêng kơ hơmâo hơdră prap lui tong ten, mơng pơtô hrăm, prap lui anih dŏ kah hăng pơčrang lăng hŭi kơ hơmâo čơđai, ƀing apăn bruă, nai pơtô F0.

Siu Đoan: Pơblang