VOV4.Jarai - Hlâo kơ ngă lơphet pok phun thun hrăm phrâo, Khua mir sir dêh čar ơi Nguyễn Xuân Phúc hmâo mơ-ĭt kơ gơnong bruă pơtô pơhrăm. Amăng mông ngă Lơphet pok phun mơguah anai lơ 5/9, hơdôm klăk čô čơđai sang hră đơ đam dêh čar ta dưi hmư̆ bôh yôm hră mơ-ĭt mơng Khua mir sir dêh čar mơ-ĭt kơ gơnong bruă pơtô pơhrăm. Hơdôm tơlơi pơtă pơtăn, pơsit jơlan gah kơ pơtô pơhrăm amăng thun hrăm phrâo mơng Khua mir sir dêh čar lĕ pran pơtrut hrưn đĭ mơng hơdôm klăk čô čơđai sang hră.

Khua dêh čar čuă sang hră gưl sa tơring kual Yên Lập, tơring glông Yên Lập, tơring čar Phú Thọ

Hlâo kơ anun, Khua dêh čar ơi Phạm Minh Chính ăt hmâo nao čuă laih, pơsur pran jua čơđai sang hră, nai pơtô čơđai sa dua bôh anih anom. Ƀơi tơring čar Phú Thọ, Khua dêh čar ta rơkâo, thun hrăm phrâo ƀu dưi pioh čơđai sang hră kơƀah hơdrôm hră hrăm, kơtưn pơtô pơhrăm pran jua, bôh thâo hơdip kơ čơđai. Khua dêh čar ơi Phạm Minh Chính rơkâo hơdôm bôh sang hră pơplih pơkra jơlan gah pơtô hăng pơhrăm kiăng hmâo anô̆ hrom, laih anun hmâo anô̆ pha ra, pơtô brơi čơđai sang hră djop anô̆ yôm bôh thâo đưm, gru grua djuai ania. Pơđĭ tui anô̆ klă drơi jăn hăng bôh thâo, hơdôm bruă mă gum djru mơnuih mơnam amăng sang hră. Ƀu pioh čơđai sang hră sang anô̆ tơnap, čơđai sang hră djuai ania ƀiă ƀu hmâo hrăm hră. Hrom hăng anun, hơdôm anih anom khom pơhlôm djop hơdrôm hră hrăm kơ čơđai sang hră....

Siu H’ Prăk: Pơblang