VOV4.Jarai-Tơdơi kơ 19 hrơi mă bruă hăng pran jua gơgrong kjăp, tlam lơ 16/6, jơnum lok 3, khua mua pơ ala mơnuih ƀôn sang dêh čar tal 15 ngă pơgiong yơh boh yôm phun mơ̆ng jơnum lok 3 hăng jơnum pơđut. Hlâo kơ ơi Vương Đình Huệ Khua git gai pơ ala mơnuih ƀôn sang dêh čar ta pơhiăp pơđut jơnum lok 3 tal 15, ƀing khua mua pơ ala pơsit hĭ Hră pơtrun jơnum kơ boh tơhnal krăo lăng bruă mă “Ngă tui jơlan hơdră, tơlơi phiăn pơkă hnong bruă mă yap mơ̆ng Hrơi Tơlơi phiăn pơkă hnong dưi ngă tui” ; Hră pơtrun kơ bruă tơña hăng lăi glăi amăng mông jơnum.

Ƀing khua mua pơ ala ăt pơsit hĭ Hră pơtrun jơnum lok 3, tal 15, amăng anun brơi pơhrơ̆i dơ̆ng thun blan ngă tui Hră pơtrun mrô 42/2017 mơ̆ng khua git gai pơ ala mơnuih ƀôn sang dêh čar kơ bruă brơi ngă lông lăng pơsir hnưh ƀu anăm tla mơ̆ng djop sang bruă brơi čan prăk; boh yôm phun pơdjơ̆ nao kơčăo bruă pơkra jơlan Hồ Chí Minh hăng pơblih nao prăk čan brơi čan glăi, gơgrong mơ̆ng kơnuk kơna dêh čar pơpha prăk kơnuk kơna hăng djop tơlơi yôm pơkŏn amăng dêh čar.

Nay Jek: Pơblang