Ƀơi hơdôm tơring glông, bruă mơ̆ mơnuih ƀôn sang đing nao lu hloh bơdjơ̆ nao bruă pơhlôm rơnuk rơnua hăng hơđong amăng mơnuih mơnam, sit biă ñu lĕ bruă rung răng phrâo anai ƀơi tơring glông Čư̆ Kuin, tơring čar Dak Lak. Mơnuih ƀon sang brơi thâo, bruă rung răng hơmâo tơlơi đing nao, pơsir hĭ hmao tlôn mơng ling tơhan, anom bruă bơdjơ̆ nao hăng gong gai ƀon lan, ba glăi pran hơđong, mut hrŏm mơng mơnuih ƀon sang.

Samơ̆, anai ăt lĕ bruă glêh tơnap biă mă, lĕ tơlơi pơhrăm glăi kiăng djop anih anom kơđi čar kiăng hrưn đĭ pran gum pơgôp, răng kơđiăng hăng ƀing ngă soh. Tŭ yap hăng lăng yôm hơdôm tơlơi pơgôp mơng mơnuih ƀon sang, ƀing Khua pơ ala mơnuih ƀon sang tơring čar Dak Lak hơmâo tơlơi rơkâo hơdôm anom bruă bơdjơ̆ nao hăng ƀon lan mơ-it đĭ. Hăng hơdôm bruă pơkŏn, grup amra pơƀut glăi, rơkâo đĭ Khua pơ ala mơnuih ƀon sang dêh čar, Kơnuk kơna hăng djop ding jum, gơnong bruă amăng hơdôm tal jơnum pơ anăp dong.