Giong čih pơƀut jăng jai, jŭ yap glăi lu tơlơi pơgôp hiăp tŭ ư hăng pơdah rai pran jua tŭ ư hrŏm biă mă bruă kiăng pok pơhư prong boh yom phun čih pơkra glăi Phiah phiăn thun 2013. Boh yom phun dưi hơmâo lu mơnuih djru pơgôp hiăp lĕ, ƀơi glông pơkă mơta tơlơi 1 Hră pơtrun čih pơkra, pơhrua glông pơkă 2 mơta tơlơi 115 mơ̆ng Phiah phiăn thun 2013: Lui hĭ tơlơi dưi tơña mơ̆ng ƀing pơ ala mơnuih ƀôn sang tơring čar hăng khua sang bruă phat kơđi, khua sang bruă tơgŭ kơđi mơnuih ƀôn sang.

Hăng Tơlơi phiăn pơphun bruă mă gong gai kơnuk kơna tơring čar čih pơkra glăi, ƀing khua mua tŭ ư hăng lu boh yom phun čih amăng hơdrôm hră tơlơi phiăn, samơ̆ ăt lăi, kiăng jŭ yap glăi tong ten, ming pơkra glăi hơdôm tơlơi pơkă kơ bruă mă, tơlơi dưi rơđah rơđong hloh mơ̆ng anom bruă pơ ala mơnuih ƀôn sang tơring čar, jơnum min mơnuih ƀôn sang tơring čar, Khua Jơnum min mơnuih ƀôn sang tơring čar kiăng ngă pơrơđah hloh jơlan hơdră pơtrut pơpha bruă mă, tơlơi dưi mă bruă, pơhlôm brơi bruă pơpha djơ̆ lăp tui hăng bruă glăm ba, tơlơi dưi mơ̆ng gong gai kơnuk kơna tơring hăng să.