Khul bruă tal sa lĕ amăng bruă pơtô hăng pơjuăt hơmâo boh yom phun kah hăng tơlơi pơhing laih anun hơdră pơđĭ kyar, boh tŭ yua pơtô hăng pơjuăt sang hră gưl prong lir hơbit hăng tơlơi či kiăng pơhrăm mơnuih mă bruă thâo rơgơi, dưi ngă djop anŏ kiăng pơđĭ kyar bơwih ƀong huă mơnuih mơnam; Bruă ngă tui tơlơi pơkă mơ̆ng tơlơi phiăn pơtô thim, hrăm thim. Hrŏm hăng anun, bruă mă pơhlôm pơgang anih hơdip jum dar amăng bruă pơtô hrăm sang hră rơnuk rơnua, tơpă, klă hiam, mơak mơai; pơhlôm hlâo tơlơi sat răm taih amang amăng sang hră; pơhlôm tơlơi hơdjă rơgoh mơnong ƀong huă amăng sang hră....

Khul bruă tal dua lĕ gah prăk kăk, hơmâo lu hơdră pơhlôm djop prăk kăk pioh pơtrut bruă pơđĭ kyar bơwih ƀong huă mơnuih mơnam dêh čar, pơhlôm rơnoh pơđĭ kyar hlom bom. Hrŏm hăng anun, hơmâo hơdră pơđĭ tui boh tŭ yua amăng bruă mă mơ̆ng sang bruă sĭ mơdrô yua kơnuk kơna ngă pô; hơdră djru, pơtrut tơlơi bơwih ƀong huă mơ̆ng sang bruă mơdrô mơnuih ƀôn sang ngă pô; hơdră pơtrut iâu pơhrui tuh pơ alin prăk sĭ mơdrô mơ̆ng dêh čar tač rơngiao FDI; tơlơi phiăn pơkă kơ bruă mă, jơlan hơdră pơtrut, pơhưč tuh pơ alin, pơđĭ kyar amăng kual tuh tia pơkra ming, bơwih ƀong huă.