Mơ̆ng akŏ thun truh ră anai, Ping gah ling tơhan, Khua mua git gai ling tơhan Binh Đoàn 15 hơmâo pơtum git gai, pơčrâo ba djop anom bruă ngă giong bruă jao, akŏ pơdong anom bruă ling tơhan kjăp kơtang hlom bom. Djop anom bruă Binh đoàn pok pơhai ngă tui klă hơdôm kơčăo bruă bơwih ƀong sĭ mơdrô, bruă wai lăng prăk kăk, pơhrŏ hĭ rơnoh prăk yua đôč đač, pơđĭ tui boh tơhnal bruă mă; pơphun glăi kjăp kơ anom bruă, mơnuih apăn bruă kiăng hơbôt hloh.
Yua kơ anun, mah rơnoh kơtăk kơsu rơgêh hai, Binh đoàn ăt pơhlôm djop prăk blan mă bruă apah, prăk blan kơ mơnuih ngă bruă sit nik amăng Binh đoàn, rim čô sa blan rơbêh 7 klăk prăk kơ ƀing ngă kông ñơn. Mơ̆ng akŏ thun truh ră anai, Binh đoàn hơmâo iâu pơmut 2.400 čô mơnuih ngă kông ñơn, amăng anun 97% mrô kông ñơn lĕ mơnuih djuai ƀiă. Laih dơ̆ng, Binh đoàn ăt djru kơ djop plơi pla pơdong phrâo 600 ƀĕ tơmeh dưm pil pơ-iă yang hrơi pioh pơkĕ apui lơtrik bơngač 20 km jơlan rô nao rai ƀơi 10 boh plơi pla; pơphun pơkă lăng hăng ƀơk ia jrao kơ mơnuih ƀôn sang duăm ruă, sang anŏ ngă hơkrŭ, sang anŏ kơnuk kơna djru amăng hrơi ngă yang thun phrâo, hrơi ngă lơphet pơkŏn kơ dêh čar.
Viết bình luận