VOV4.Jarai - Tlam lơ 10/1, tŏ tui mông Jơnum ƀu pơthâo hlâo tal 1, Ƀirô khua git gai pơ ala mơnuih ƀon sang bơkơtuai mơng ataih kơ bruă pơkra jơlan rơdêh pơđuăi hmar Kơdư - Dơnung kual gah Ngŏ rơwang thun 2021-2025. Ƀơi mông bơkơtuai, ƀing khua tŭ ư hrŏm bruă pơkra jơlan rơdêh pơđuăi hmar Kơdư - Dơnung kual Ngŏ. Bruă tuh pơ plai ƀu kơnong dưi pơhno tom tơlơi bơwih ƀong ƀơi jar kmar đôč ôh, tơlơi anai amra djru ngă hiam tui jơlan nao rai wơ̆t hăng anih anom phrâo rơnuk anai, bang hyu či pơtrut pơđĭ kyar bơwih ƀong huă - mơnuih mơnam hăng pơhlôm pơgang rơnuk rơnua lŏn ia. Ƀing khua rơkâo kiăng ngă rơđah anŏ djơ̆ hrŏm mơng kơčăo bruă hăng hơdră pơđĭ kyar bơwih ƀong huă mơnuih mơnam hăng hơdôm bruă bơdjơ̆ nao dong. Tlam lơ 11/1, Khua mua pơ ala mơnuih ƀon sang dêh čar pơđut mông Jơnum ƀu tui tơđar tal 1.

Siu H’Mai: Pơblang