Kiăng djru mơnuih mă bruă yak rơgao rơwang tơnap tap anai, Khul mut phung dêh čar Việt Nam gum hrom hăng anom bruă Biêr Saigon gah Phun akha Sang bruă Ƀiêr – Tơpai – Ia mih Sài Gòn (SABECO) hăng Khul hlăk ai rơnuk Hồ Chí Minh dêh čar pok phun Jơlan hơdră “Gum hrom ngă jing Tết”, ƀơk 8.000 anung gơnam Tết kơ mơnuih mă bruă amăng đơ đam dêh čar.

Jơlan hơdră “Gum hrom ngă jing Tết” pơphun mơng lơ 7 blan sa truh lơ 15/1/2023. Kiăo tui anun, 8.000 anung gơnam Tết hăng nua 5 klai 600 klăk prăk amra dưi ƀơk kơ mơnuih mă bruă ƀơi 11 bôh tơring čar, ƀôn prong amăng đơ đam dêh čar. Rim anung gơnam hmâo nua 700.000 prăk amăng anun prăk 300.000 prăk hăng hơdôm gơnam kiăng yua hrơi Tết. Amăng tal Tết truh bơyan bơnga rai, jơlan hơdră “Gum hrom ngă jing Tết” dô̆ ba truh tơlơi mơ-ak Tết 3 kual ƀơi 5 bôh tơring čar, ƀôn prong Hà Nội, Nghệ An, Bình Dương, Daklak, Long An hăng hơdôm tơlơi ngui ngor đưm juăt ƀuh hăng lu bruă mă ngă pơhư̆č pơkon./.