Pri Hră pơhing phrâo kual Dap Kơdư tal blung a dưi pơphun, pioh čih glăi, pơsur apah bơni hơdôm tơlơi čih hmâo tơlơi čih pơplông hră pơhing klă, čih amăng thun 2023, čih kơ Dap Kơdư. Mơ̆ng 250 mơta tơlơi čih pơplông hăng 4 mơta hơdră čih amăng hla pơ-ar, amăng măi, pôr pơhiăp hăng pơdah rup, Grŭp pơphun bruă pơplông hmâo ruah laih rơbêh kơ 100 mơta tơlơi čih mut pơplông rơwang pơplông hrŏm.

Bôh tơhnal hmâo 22 mơta tơlơi čih hmâo mă pri, amăng anun hmâo 2 pri mrô sa, 4 pri mrô dua, 6 pri mrô tlâo hăng 10 pri pơtrut pơsur. Hơdôm tơlơi čih pơplông hmâo tơlơi đing nao hmâo akô̆ tlôn, anô̆ klă gah bôh yôm čih hăng hơdră čih. Sa dua mơta tơlơi čih hmâo anăn phrâo, ƀuh lu mơta, rơguăt, bôh yôm lu pơkĕ hrŏm hăng lu jơlan gah pôr pơhing, pơjing pran lar hyu, ngă pơhưč mơnuih pơđok. Biă ñu lĕ gru bôh thâo đưm hăng hơdôm tơlơi gir run djă pioh phiăn juăt đưm, bôh thâo đưm mơ̆ng gong gai hơdôm anih anom hăng neh wa djuai ania Dap Kơdư./.