VOV4.Jarai - Mơguah lơ 8/8, ƀơi Hà Nội, Ping gah Kông ang dêh čar ta gum hrom hăng Anom pơtô bruă kơđi čar Hồ Chí Minh dêh čar ta pơphun bơkơtuai bôh thâo phrâo lŏn ia: Gơgrong hlâo pơgang hlôm hlâo, khom hrưn đĭ pơgăn ngă kơdun glăi truh kih hơdôm tơlơi pơdah ƀu klă amăng tơlơi pơmin, bruă mă pran jua, ngă mă ha jăn, pơplih mă pô amăng mơnuih apăn bruă, mơnuih ping gah Kông ang mơnuih ƀôn sang. Đại tướng Tô Lâm, Ding kơna Ding jum kơđi čar, Khua git gai Ping gah Kông ang dêh čar ta, Khua Ding jum Kông ang git gai mông jơnum. Amăng mông jơnum bơkơtuai, hơdôm tơlơi čih pơblang bruă đing nao dơlăm, pơblang ngă rơđah hloh dong tơlơi, bôh than ba truh hơdôm tơlơi ƀu klă; ba tơbiă hơdôm bruă mă, jơlan gah pơplih hrưn đĭ, pơgăn, ngă kơdun glăi ba glăi bôh tŭ yua hơdôm anô̆ pơdah ƀu klă amăng tơlơi pơmin, bruă kơđi čar, pran jua, dô̆ dŏng ƀong huă, pơdah ngă mă ha jăn, pơplih mă pô amăng mơnuih apăn bruă, mơnuih ping gah kông ang mơnuih ƀôn sang, kiăng pơdŏng grŭp Ping gah amăng Kông ang mơnuih ƀôn sang tơlơi klă hiam, kơjăp kơtang, djơ̆ tui tơlơi kiăng, bruă mă amăng rơnuk phrâo tui Tơlơi pơtrun pơsit 12 mơng Ding jum kơđi čar./.

Siu H’ Prăk: Pơblang