VOV4.Jarai - Lơ 15/8, Khul pơđĭ kyar bôh thâo anom bơwih ƀong Việt Nam brơi thâo: Bruă bơkơtuai “Bôh thâo hăng anom bơwih ƀong” tal 2 amra dưi pơphun ƀơi Hà Nội amăng blan 11 thun anai. Bruă bơkơtuai thun anai amra hmâo 3 bruă mă phun lĕ: Bơkơtuai hăng akô̆ ñu “Ngă rơđah glăi bôh thâo – Phun than hơkrŭ glăi hăng pơđĭ kyar bơwih ƀong kơjăp phik”; Ngă lơphet pơpŭ bơni hăng ƀơk hră tŭ yap anom bơwih ƀong djơ̆ tui bôh thâo bơwih ƀong sĭ mơdrô thun 2022 pơkă; Pơphun grŭp khua pơ ala anom bơwih ƀong bưp khua git gai Ping gah hăng Kơnuk kơna. Nghệ sĩ nhân dân Vũ Ngoạn Hợp, Kơ-iăng Khua Khul pơđĭ kyar bôh thâo anom bơwih ƀong Việt Nam brơi thâo: Hơdôm bruă mă mơng bơkơtuai amra djru pơtrut bruă pơdŏng bôh thâo anom bơwih ƀong, bôh thâo bơwih ƀong sĭ mơdrô amăng khul bơwih ƀong Việt Nam amăng hăng gah rơngiao dêh čar, amăng ƀrư̆ pơjing anô̆ pha ra mơng bôh thâo bơwih ƀong Việt Nam, djơ̆ hăng tơlơi pơđĭ kyar kơjăp phik hăng mut hrom jar kơmar./.

Siu H’ Prăk: Pơblang