VOV4.Jarai - Lơ 16/8, ƀơi ƀôn prong Hồ Chí Minh, Ding kơna Ding jum kơđi čar, Khua mir sir dêh čar ta ơi Nguyễn Xuân Phúc, Khua Grŭp črâo ba pơdŏng Akô̆ bruă Klah čun Tơlơi pơtrun pơsit mrô 8 tal 11 mơng Ping gah kơ Bruă pơgang Lŏn ia amăng rơnuk phrâo git gai mông Bơkơtuai bôh thâo “Pơblang – bôh nik kơ pơgang Lŏn ia amăng rơnuk phrâo”.

Tơdơi hơdôm črăn lăi pơthâo, pơhiăp amăng mông bơkơtuai, Khua mir sir dêh čar ta ơi Nguyễn Xuân Phúc tŭ ư, pơsit yôm ƀing khua pơ ala lăi đĭ lu tơlơi gum pơhiăp hmâo nua yôm bôh thâo phrâo, ngă rơđah lu bôh yôm phăn hăng bruă pơgang lŏn ia. Hrom hăng anun pơsit tơhnal abih bang mơng Tơlơi pơtrun pơsit mrô 8 mơng Ping gah tal 11, tơhnal djơ̆ mơng lu tơlơi pơtrun pơsit, klah čun, črâo ba pơkon mơng Ping gah, djru bruă pơgang lŏn ia amăng rơnuk phrâo hơdôm hrơi rơgao hmâo lu bôh than yôm phăn. Khua mir sir tŭ ư hăng ƀing khua pơ ala lăi lĕ, khom kơtưn pran ruah mă, amăng anun pơdŏng “pran gơgrong amăng mơnuih ƀôn sang” kiăng pơgang lŏn ia djop mơnuih dưm kơnar dưi lăng lĕ jơlan phun yôm phăn, jing sa amăng hơdôm bruă mă na nao, phun, tơlơi yôm, kiăng tañ pioh pơgang lŏn ia ră anai./.

Siu H’ Prăk: Pơblang