Ƀrô djơ̆ tal hơdor glăi 94 thun Hrơi pơdŏng Khul mut phung dêh čar Việt Nam, čơtlăm lơ 28/7, ƀơi Sang mă bruă Khua pơ ala mơnuih ƀôn sang dêh čar ta Bơkơtuai Mơnuih mă bruă thun 2023 hăng anăn ñu “Ngă giong hơdră bruă, tơlơi phiăn bơdjơ̆ nao truh mơnuih mă bruă hăng khul mut phung”. Khua git gai wai lăng pơ ala mơnuih ƀôn sang dêh čar ta, ơi Vương Đình Huệ git gai Bơkơtuai.

Bruă bơkơtuai hmâo tơlơi gum hrŏm nao pơhmư̆ mơ̆ng năng ai ñu 500 čô khua pơ ala kơ mơnuih mă bruă amăng đơ đam dêh čar ta. Anai lĕ tơlơi pơčeh phrâo mơ̆ng Phun akha Khul mut phung dêh čar Việt Nam hăng Anom bruă Khua pơ ala mơnuih ƀôn sang dêh čar gum hrŏm pơphun. Bruă bơkơtuai lĕ tal pioh mơnuih amăng khul, mơnuih mă bruă đơ đam dêh čar pơdah pran jua tơlơi pơmin, tơlơi čang rơmang, ba tơbiă, rơkâo đĭ hăng Khua pơ ala mơnuih ƀôn sang, Khua git gai wai lăng pơ ala mơnuih ƀôn sang dêh čar kơ hơdră bruă, tơlơi phiăn bơdjơ̆ nao truh mơnuih mă bruă hăng bruă mă mơ̆ng Khul mut phung; ba tơbiă tơlơi pơmin, jơlan pơsir pơtrut pơđĭ kyar bơwih ƀong – mơnuih mơnam, ngă giong hơdôm tơhnal pơkă, bruă jao thun 2023 hăng rơwang bruă mơ̆ng thun 2021-2026, djru pơđĭ tui tơlơi hơdip mơda mơnuih ƀôn sang hăng ngă tui tơlơi čang rơmang mơ̆ng djuai ania pơdrong asah, yâo mơ-ak./.