Bruă bơkơtuai dưi pơphun ƀơi anăp pơ̆ Hà Nội hăng lăng nao rai mơ̆ng ataih ƀơi 66 bôh anih tô nao rai hơdôm bôh anom, Kông ang gưl tơring čar, 228 bôh anih tô nao rai Kông ang gưl tơring glông hăng rơbêh kơ 7 rơbâo čô khua pơ ala nao pơhmư̆.

Pơhiăp amăng mông bơkơtuai, Khua dăp hơdră Hơdrôm hră pơhing Cộng sản Lê Hải Bình pơtŏng sit, rơgom ơi Nguyễn Phú Trọng pioh na nao tơlơi lăng ba, phara git gai črâo ba hăng Khul Kông ang mơnuih ƀôn sang. Hơdôm tơlơi čih gum lăi pơthâo amăng mông bơkơtuai đing nao ngă rơđah hơdôm tơlơi gum hơgôp prong prin mơ̆ng rơgom ơi Nguyễn Phú Trọng pioh kơ bruă ngă hơkrŭ mơ̆ng Ping gah hăng djuai ania ta; Tơlơi đing nao dơlăm mơ̆ng Khua git gai Ping gah rơgom ơi Nguyễn Phú Trọng hăng khul Kông ang mơnuih ƀôn sang, pran jua neh wa tơhan đơ đam dêh čar lăi hrŏm hăng khul Kông ang mơnuih ƀôn sang lăi ha jăn hăng Khua git gai Ping gah rơgom ơi Nguyễn Phú Trọng./.