Tlam lơ 15/9, rơdêh pơgiăng gơnam tak mơng tơring čar Kon Tum đuăi nao laih kiăng kơ djru brơi kual ia ling dăo ƀơi Tuyên Quang. Grup gum djru hơmâo dưm dăp gơnam tam amăng 4 boh rơdêh hơmâo ƀat klup kiăng pơhlôm brơi gơnam tam klă hloh. Bruă pơgiăng nao, dưm dăp, ba đĭ trun hơdôm hơpluh tơ̆n gơnam tam ƀơi anih pơƀut lĕ tơdron lăk 16/3 plơi prong Kon Tum ăt hơmâo lu mơnuih djru brơi.

Hăng tơlơi čang rơmang hơdôm gơnam anai dưi jao tơl tơngan mơnuih kual ia ling dăo ƀơi tơring čar Tuyên Quang, grup gum djru tơring čar Kon Tum hơmâo lăi pơthâo hlâo hăng anom bruă bơdjơ̆ nao hăng hơmâo tơlơi črâo ba lơm pơgiăng nao gơnam kah hăng anih mơnuih ƀôn sang glăk kiăng gum djru.