Pơdah mơ̆ng ataih truh hơdôm anih tô nao rai mơ̆ng hơdôm bôh sang hră pơtô bruă kơđi čar. Pơ ala kơ khua git gai Ping gah, Kơnuk kơna, Khua git gai Ping gah, Khua mir sir dêh čar ta ơi Tô Lâm hmâo nao pơhmư̆ hăng đĭ pơhiăp. Amăng mông ngă Lơphet, Khua git gai Ping gah, Khua mir sir dêh čar ta ơi Tô Lâm hmâo jao laih Miđai mă bruă dăp tal Sa, črăn bơni yôm prong mơ̆ng Ping gah, Kơnuk kơna pioh kơ Sang hră pơtô bruă kơđi čar Hồ Chí Minh dêh čar ta.

Pơhiăp amăng mông ngă Lơphet, Khua git gai Ping gah, Khua mir sir dêh čar ta ơi Tô Lâm rơkâo, pơdŏng Sang hră sit nik jing gru ba jơlan kơ bruă pơdŏng Ping gah; gru rơnăk pioh klă bruă pơhrăm, phiăn pơhrăm, anih anom yôm pơdjuai rai pran jua klă hiam mơ̆ng mơnuih Cộng sản; phun than pioh pơhrăm pran jua ping gah, bôh thâo ping gah hăng pran gơgrong bruă kơđi čar kơjăp brơi kơ mơnuih apăn bruă, mơnuih ping gah gum hrŏm pơhrăm, pơtô brơi dong ƀơi Sang hră; djru dong, gum hrŏm hăng hơdôm bôh Sang hră pơtô bruă kơđi čar kiăng tañ djơ̆ rơnoh pơkă prong hloh; ngă giong hơdră Sang hră hơdeč hmar; djă pioh hăng lar hyu hơdôm nua yôm tâ̆o klă mơng bôh thâo Sang hră pơtô bruă Ping gah truh hơdôm bôh Sang hră pơtô bruă kơđi čar hăng hơdôm anih anom pơtô pơhrăm pơkon amăng đơ đam dêh čar./.