Mơguah lơ 18/9, Ding jum kơđi čar hơmâo pơgôp hiăp kơ akŏ bruă tuh pơ alin man pơkra jơlan rơdêh treng đuăi hmar mơng kual Kơdư-Dơnung, tơdơi kơ hmư̆ Khul apăn bruă Ping gah Ding jum wai lăng jơlan glông lăi pơthâo akŏ bruă tuh pơ alin man pơkra jơlan rơdêh treng đuăi hmar mơng kual Kơdư-Dơnung hăng hmư̆ tơlơi pơgôp hiăp mơng djop anom bruă, Ding jum kơđi čar hơmâo pơčrông sai hăng brơi thâo anai lĕ ring bruă yôm phăn hăng kiăng biă mă. Anŏ ba glăi lơm man pơkra jơlan rơdêh treng đuăi hmar lĕ kiăng djơ̆ hăng tơlơi rơkâo amăng pơdŭ pơgiăng, pơgôp pơplih phrâo amăng bruă pơdŭ pơgiăng amăng glông jơlan mơng kơdư-dơnung brơi kơ klă hloh, hơđong kjăp, ngă atur, pơtrut pơđĭ kyar bơwih ƀong huă-mơnuih mơnam, pơgang rơnuk rơnua, pơgôp ngă tui klă hơdôm tơlơi črâo trun, jơlan gah mơng Ping gah amăng tuh pơ alin pơđĭ kyar man pơkra jơlan glông amăng hơdră pơđĭ kyar lŏn ia tui tơlơi pơtrun mơng Jơnum Ping gah tal XIII hăng pok pơhai hơdôm bruă dưm dăp man pơkra dêh čar.

Ding jum kơđi čar tŭ ư hăng tơlơi pơgôp hiăp mơng Khul apăn bruă Ping gah hluai tui tơlơi črâo trun tuh pơ alin man pơkra jơlan rơdêh treng đuăi hmar mơng kual Kơdư-Dơnung hlâo kơ Kơnuk kơna mơ-it nao Ƀirô Khua pơ ala mơnuih ƀôn sang dêh čar amăng jơlan lok 8, Khua pơ ala mơnuih ƀôn sang dêh čar tal XV.