Gum hrŏm yua kơ tơlơi rơnuk rơnua hăng pơđĭ kyar kơplah wah đah kơmơi Dak Lak (Việt Nam) hăng Mondulkiri (Kur)
Thứ tư, 10:05, 18/09/2024
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai - Čơtlăm lơ 17/9, ƀơi plơi prong Buôn Ma Thuột pơphun jơnum klah čun krah rơwang bruă ngă tui “Tơlơi pơkôl gum hrŏm yua kơ tơlơi rơnuk rơnua hăng pơđĭ kyar” kơplah wah Khul pơlir hơbit đah kơmơi tơring čar Dak Lak (Việt Nam) hăng Gơnong bruă hyu mă bruă Đah kơmơi tơring čar Mondulkiri, dêh čar Kur, rơwang 2022-2027.
Amăng mông jơnum, ƀing khua pơ ala hmâo lăi pơthâo laih tơlơi găn rơgao amăng bruă djru đah kơmơi pơphun bruă mă, bơwih ƀong sĭ mơdrô; pơgang, djă pioh hăng ngă tui bôh thâo đưm, phiăn juăt klă hiam mơ̆ng djuai ania dua bôh dêh čar. Lăi pơthâo tŭ ư hrŏm bruă gum hrŏm amăng ngă tui hơdôm bruă mă djru đah kơmơi, čơđai muai ƀơi hơdôm bôh să guai dêh čar.
Yă Tô Thị Tâm, Khua Khul pơlir hơbit Đah kơmơi tơring čar Dak Lak brơi thâo, hơdôm hrơi pơ̆ anăp, khul đah kơmơi 2 bôh tơring čar pok pơhai ba glăi bôh tơhnal dong hơdôm bôh yôm mơ̆ng tơlơi pơkôl gum hrŏm./.
Viết bình luận