Hơjan prong sui hrơi ngă tơluč lŏn, tơhlŏm hăng čơđang kriăng čư̆ ƀơi akiăng taluy jơlan Hồ Chí Minh črăn găn nao pơ thôn 3, să Quảng Tín, tơring glông Dak Rlâp, tơring čar Dak Nông. Gong gai kơnuk kơna, anom bruă djop gưl brơi pơđuăi lu sang anŏ mơnuih ƀôn sang tơbiă mơ̆ng anih hŭi rơhyưt. Gơnong bruă Jơlan glông hăng pơdŭ pơgiăng tơring čar Dak Nông brơi thâo, yua hơjan lu hrơi, jơlan Hồ Chí Minh ƀơi Km 1936+080 hăng Km 1936+300 či plơi thôn 3, să Quảng Tín, tơring glông Dak Rlâp hơmâo anih čơđang atur kriăng taluy.
2 anih čơđang tơhlŏm anai ataih 200 met, sit mơ̆n ngă hŭi rơhyưt kơ jơlan glông nao rai hăng rơngiă tơlơi hơđong kơ mơnuih ƀôn sang. Gơnong bruă jơlan glông hăng pơdŭ pơgiăng brơi jak iâu anom bruă čuk pơkra jơlan, ĕp hơdră pơsir tơlơi či truh, hŭi ngă răm jơlan Hồ Chí Minh rô nao rai ƀu hơđong. Gong gai kơnuk kơna hăng djop anom bruă hơmâo jak iâu, lăi brơi lu sang anŏ mơnuih ƀôn sang khom pơdŭ đuăi tañ mơ̆ng anih hŭi rơhyưt kiăng dŏ pơ anih hơđong. Tui hăng rơnoh jŭ yap blung a, tơlơi truh lŏn čơđah dlưh taluy, ngă kơ sang sĭ mơdrô ia săng ia jâo, sang sĭ mơdrô ia kơphê hăng lŏn ter jơlan nao rai mơ̆ng 15 boh sang anŏ mơnuih ƀôn sang bơbeč yua.
Viết bình luận