Khua git gai ping gah, khua mir sir ơi Tô Lâm git gai jơnum hăng hơmâo tơlơi đĭ pơhiăp yôm amăng mông jơnum. Pơhiăp amăng mông jơnum, Khua git gai ping gah, khua mir sir ơi Tô Lâm brơi thâo, jơnum bơkơtuai, pơgôp hiăp kơ 10 mơta boh yôm phun amăng 2 khul bruă yôm hloh hăng hơdôm bruă mă tum teč rơđah rơđong. Tui hăng anun, Khua git gai ping gah, Khua mir sir rơkâo khul apăn bruă ping gah dêh čar pioh lu mông bơkơtuai nao rai hơdôm tơlơi pơgôp hiăp lăp djơ̆, lăi pơthâo tơlơi hơmâo sit nik mơ̆ng djop ding jum, anom bruă, djop tơring čar.

Lăi nao kơ bruă kiăng ngă mơtam lĕ, thun blan pơ anăp anai, Khua git gai ping gah, khua mir sir dêh čar ơi Tô Lâm lăi rơđah, bruă ngă tui truh kih Hră pơtrun ping gah tal XIII, tơhnal pơkă kơ abih bang amăng ping gah, mơnuih ƀôn sang, ling tơhan thun 2025; jing atur pioh ngă tui tŭ yua tơhnal pơkă anăp nao 100 thun gah yŭ kơ tơlơi git gai mơ̆ng ping gah hăng anăp nao hơdor glăi 100 thun hrơi akŏ pơdong kơnuk kơna lŏn ia.