Amăng jơlan hơdră, ƀing ơi nai ia jrao ƀơi tơring čar Dak Lak, Thừa Thiên Huế hăng ƀôn prong Hồ Chí Minh hrŏm hăng hơdôm čô mơnuih rŏng rơkâo gum djru mă pô lĕ pô thâo adôh, thâo pơčeh tơlơi adôh hmâo pơdah laih lu tơlơi adôh hăng hơdôm tơlơi pôr pơhing kơ tơlơi kiăng khăp plơi pla lŏn ia hăng ană mơnuih pran ư-ang djuai ania.

Grŭp git gai jơlan hơdră pơsit pioh abih bang mrô prăk gum pơčruh hmâo amăng mlăm adôh suang kiăng djru brơi hơdôm anung asơi ƀơi hơdôm bôh sang ia jrao ƀơi 3 bôh tơring čar, Yên Bái, Tuyên Quang hăng Lào Cai, jing hơdôm tơring čar bơdjơ̆ nao kơthel ngă kơtang hloh, Tơdơi kơ 8 thun mă bruă, truh ră anai jơlan hơdră Jam asơi ƀơi pơnăng Buôn Ma Thuột hmâo pơsur hmâo 30 klai prăk,  mrô prăk djop brơi năng ai ñu 1 klăk 500 rơbâo anung asơi djru mơnuih duam ruă hăng pô sang mơnuih ruă hmâo tơlơi hơdip tơnap pơ̆ 15 bôh sang ia jrao ƀơi tơring čar Dak Lak./.