VOV4.Jarai - Lơ 15/3, Jơnum min mơnuih ƀôn sang tơring čar Daklak pơphun Bơkơtuai gum pơhiăp tơlơi lăi pơthâo glăi kual pơkă mơng tơring čar Daklak rơwang mơng thun 2021-2030, tơhnal lăng nao truh thun 2050. Tui hăng tơlơi lăi pơthâo glăi pơkă kual, tơring čar Daklak hmâo ba tơbiă pơđĭ kyar bơwih ƀong – mơnuih mơnam tañ, kơjăp, abih bang hluai tui đing nao ngăn rơnoh kiăng pơđĭ kyar hơdôm gơnong bruă, bruă mă hmâo tơhnal gal bơkơtưn.

Đơ đam anih jơnum bơkơtuai

Pơdŏng plơi prong Buôn Ma Thuột lĕ plơi prong phun kual Dăp Kơdư hăng sa rơwang Mơtah – Rơnuk phrâo – Tâ̆o yâu, plơi prong hơdeč hmar – bah amăng mơng kual Dăp Kơdư mut hrom hăng kual laih anun ƀơi jar kơmar. Tơhnal ba tơbiă rơđah, tơring čar Daklak hrưn đĭ pơđĭ kyar bơwih ƀong hrưn đĭ kơtang hloh rơnoh đĭ kyar GRDP hơnong ñu rim thun rơwang 2021-2030 lĕ 11% sa thun; Hrưn đĭ mrô bơwih ƀong mrô đĭ tui ƀơƀrư̆, thun 2030 hmâo 20%. GRDP hơnong ñu sa cô mơnuih thun 2025 hmâo 81,2 klăk prăk, thun 2030 hmâo 131 klăk prăk./.

Siu H’ Prăk: Pơblang