VOV4.Jarai - Mơguah lơ 20/7, ƀôn prong Hồ Chí Minh hơmâo pơpŭ 150 klăk prăk brơi kơ amon Nguyễn Việt Phong, čơđai sang hră anih 12, sang hră gưl tlâo Lê Hồng Phong, 1 amăng 4 čô čơđai mă miđai ia mah amăng tal pơplông Olympic Hoá Học jar kmar thun 2022. Ơi Nguyễn Văn Hiếu, Khua gơnong bruă pơtô pơjuăt ƀôn prong Hồ Chí Minh brơi thâo, sui laih ƀôn prong Hồ Chí Min kah mơng hơmâo sa čô čơđai dưi mă miđai prong hloh tui anai. Anai lĕ tơlơi gir run mơng ñu hăng sang anŏ, sang hră hăng ƀing nai pơtô. Ơi Hiếu čang rơmang Nguyễn Việt Phong amra tŏ tui tơlơi thâo thăo mơng ñu pô kiăng dưi ngă pơgiong hơdôm bruă ñu kiăng, gum pơgôp lu dong brơi kơ ƀôn prong hăng lŏn ia. Nguyễn Việt Phong lĕ sa amăng mrô čơđai blung a amra hơmâo arăng pơpŭ 200 klăk prăk brơi ƀing čơđai sang hră mă miđai ia mah amăng tal pơplông Olympic jar kmar. Tal pơplông Olympic Hoá Học jar kmar (IChO) thun 2022 pơphun ƀơi Khač, Grup Việt Nam hơmâo 4 čô čơđai. Lơ̆m pơplông giong, 4 čô lêng kơ mă miđai ia mah soh.

Siu Đoan: Pơblang