VOV4.Jarai - 43 čô čơđai sang hră, ƀing hrăm gưl dlông ƀun rin hrăm rơgơi “Amăng jơlan hơdră čung tơkai čơđai nao sang hră hăng Ană rông puih kơđông pơgang guai dêh čar” ƀơi Daklak dưi bơni amăng mơguah lơ 12/8, ƀơi să guai dêh čar Krông Na, tơring glông Buôn Đôn (Daklak). Hrom hăng bruă bơni, ƀing čơđai dô̆ dưi čơkă mă gơnam brơi kah hăng: Prăk mơta, rơdêh dang wang, hơdrôm hră, hră hrăm, sum ao phrâo hăng gơnam mă yua hrăm hră.

Khua git gai Ling tơhan pơgang guai Daklak hăng ƀing gum djru ƀơk rơdêh dang wang kơ ƀing čơđai sang hră ƀun rin ƀơi guai dêh čar

Tơring čar Daklak hmâo giăm truh 73 km jơlan guai dêh čar giăm hăng tơring čar Muldukiri, dêh čar Kur. Ƀơi anai hmâo 4 bôh să guai dêh čar lĕ Ea Bung, Ya Lốp, Ia R’vê gah tơring glông Ea Sup hăng Krông Na mơng tơring glông Buôn Đôn, leng kơ hơdôm bôh să hmâo mrô sang anô̆ ƀun rin lu. Gum hrom tơlơi tơnap mơng neh wa kual guai dêh čar, khul ling tơhan pơgang guai dêh čar tơring čar Daklak lăng ba na nao bruă hơđong tơlơi hơdip mơda mơnuih mơnam, hăng hơdôm hơdră mă sit nik. “Jơlan hơdră čung ba čơđai nao sang hră hăng ană rông Puih kơđông ling tơhan pơgang guai dêh čar” ƀơi Daklak hmâo jing laih tơhnal gal kơ hơdôm rơtuh čô čơđai sang hră ƀun rin dưi nao sang hră, tô̆ tui bruă hrăm đĭ dlông hloh./.

Siu H’ Prăk: Pơblang