Mơ̆ng thun 2018-2024, ƀơi kual Lŏn Dap Kơdư hơmâo lu hơbô̆ bruă bơkơtưn amăng mơnuih ƀôn sang gum hrŏm pơgang tơlơi rơnuk rơnua Lŏn ia, jing anih bơngač tui hơdră plơi pla wai lăng mă pô, hơmâo tơhan plơi djru pơgang ană plơi, hơmâo tơlơi pơgôp amăng mơnuih mơnam prong, dưi hơmâo lu mơnuih ƀôn sang djuai ƀiă dong yua, ngă tui hur har.

Hơmâo lu mơnuih mă bruă tong ten, hur har, djru ba ƀing tơhan pơgang rơnuk rơnua, hyu pơtô lăi, tañ ƀuh hăng hmư̆ hing tơlơi soh sat, kiăng kơđiăng hăng tơlơi pơmin ƀing ayăt yoh kah ania pơpha djuai amăng khul gum pơgôp djop djuai ania, pơgăn tơlơi soh sat, črih čruai mơnuih mơnam, pơhlôm, pơgang apui ƀong sang, pơgang jơlan guai dêh čar, gong tơmeh pơkă guai dêh čar, pơgang anih hơdip jum dar. Ƀơi mông jơnum, Ding jum kông an hơmâo jao hră apah bơni kơ 86 grup, mơnuih ba gru hlâo amăng bruă ngă tui hơbô̆ bruă hiam pơtrut ană plơi pla gum hrŏm pơgang rơnuk rơnua Lŏn ia amăng kual mơnuih djuai ƀiă dŏ ƀơi Lŏn Dap Kơdư mơ̆ng thun 2018-2024.