VOV4.Jarai - Bơdjơ̆ nao kơčăo bruă pơkra Bơnư̆ kŏng ia Krông Pač thượng 4.400 klai ngă kaih, lơ 21/3, grup mă bruă mơng Ding jum bruă hmua hăng pơđĭ kyar plơi pla nao sem lăng hăng git gai kiăng tañ pơdong plơi phrâo yua hŭi ia dăo tui hơdôm thun hlâo. Grup mă bruă hơmâo sem lăng glăi anih phun dơnao ia Krông Pač thượng, hơdôm glông pơđoh ia, bơnư̆ kŏng ia, dua kual pơdong plơi phrâo mrô sa hăng mrô dua.

Grup mă bruă mơng Kơ-iăng khua Ding jum bruă hmua hăng pơđĭ kyar plơi pla Nguyễn Hoàng Hiệp pel ĕp bruă pơkra dơnao kŏng ia Krông Pač thượng.

Tui hăng tơlơi lăi pơthâo mơng Anom bruă wai lăng dơnao kŏng ia mrô 8, truh ră anai, ring bruă hơmâo pơkra giong năng ai 80% mrô bruă, hăng bơnư̆, dơnao phun ƀiă giong laih, laih anun hơmâo ngă giong rơbêh 40km amăng mrô 60km glông pơđoh ia. Hăng bruă pơdong plơi phrâo, hmua phrâo, Ding jum bruă hmua hăng pơđĭ kyar plơi pla kiăng amăng 6 blan pơ anăp, Dak Lăk khŏm ba pơđuăi abih bang mơnuih tơbiă mơng anih ia dăo ƀơi dơnao ia Krông Pač thượng.

Siu H’Mai: Pơblang