VOV4.Jarai - Grŭp wai lăng bruă bơwih ƀong dêh čar ta phrâo pơphun Bruă Bơkơtuai pơđĭ kyar kơjăp phik bơwih ƀong gah ia rơsĭ Việt Nam thun 2022 ƀơi tơring čar Phú Yên. Kual ia rơsĭ Việt Nam hmâo mrô akan hơdang lu biă, lu mơta hăng rơbêh kơ 2000 mơta djuai akan, amăng anun năng ai ñu 110 djuai hmâo nua yôm.

Mơnuih hyu mă akan hơdang Bình Định hyu mă akan ngư ia rơsĭ

Lom pơđĭ kyar, gơnong bruă akan hơdang dưi hmâo mă na nao tơlơi lăng ba mơng Ping gah, Kơnuk kơna hăng hơdôm gưl gong gai. Hrom hăng bruă hyu mă akan hơdang, Ding jum đang hmua hăng pơđĭ kyar ƀôn lan hmâo čih pơkra laih hơdôm akô̆ bruă pơđĭ kyar bruă rông akan hơdang ƀơi ia rơsĭ. Bruă bơwih ƀong mơng ia rơsĭ glăk jing pran pơtruh pơđĭ kyar mơng lŏn ia. 60% mrô gơnam mơng lŏn ia dưi gum hơgôp mơng bruă bơwih ƀong gah ia rơsĭ. Tuai čuă ngui ƀơi bul ia rơsĭ ba glăi 70% mrô prăk pơhrui glăi kơ gơnong bruă tuai čuă ngui đơ đam dêh čar. Bruă dŭ pơgiăng gơnam tam jơlan ia rơsĭ; Mrô ia jâu hyuh hyu mă; Rông akan hơdang hăng hyu mă akan hơdang pơhrui glăi lu./.

Siu H’ Prăk: Pơblang